TIRANË- Gjykata e Krimeve të Rënda ka ndryshuar masën e sigurisë për ish-deputetit socialist dhe ish-drejtor i Burgjeve Arben Çuko, nga ‘arrest shtëpie’ në ‘detyrim paraqitje’.
Gjykata ktheu dosjen e tij më 16 Korrik për plotësim hetimesh me pretendimin se hetimet e deritanishme ishin të paplota dhe me mangësi në drejtim të provave.
Emri i ti tij doli në përgjimet e grupit Avdylaj. Arben Çuko akuzohet se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro.
Arben Çuko u arrestua në kuadër të operacionit “VOL-VO4” në 18 tetor 2018. Akuza e tij është “Korrupsion pasiv i funksionarëve të lartë shtetërorë ose i të zgjedhurve vendorë”.
Shfaq Komentet (0)
